شەفەق نیوز/ سەرچەوەیگ ئەمنی لە پارێزگای زیقار باشوور عراق، ئمڕوو شەممە، هویردەکاری رویداویگ ئەمنی ئاشکەراکرد کە لە قەزای غەراف لە باکوور شار ناسڕیە ناوەن پارێزگاگە رویدایە.
سەرچەوەگە وە ئاژانس شەفەق نیوز راگەیان " وەرپرس بەش ماشینەیل لە شارەوانی غەراف وەلایەن وەرپرس پاسەوانەیل قائیمقام قەزاگە خەوەردارکردیە یەکیگ لە ماشینەیل شارەوانی شەوەکی ئمڕوو لەبازاڕ گەردیە وەبی ئاگاداری، هەنای وەرپرس بەشەگە رەسێدە ئەو شوین رویداویگ دروسبویە لەناوەین رانندەیل ماشینەیل شارەوانی، وەرپرس بەش ماشینەیل وە چەقوو سەری زەخمدار بوود هەنای تواد مەرافەگە جیاوەبکەێد".
سەرچەوەگە وتیش، "زەخمدارەگە ئەرا خەسخانە کلکریاس لەدویای چارەسەرکردنی لە خەستەخانە دەرچگە، راستەوخوەی ئەرا ماڵ قایمقام چگە وەگەرد دوو کەس ترەک کە وەردی بوینە" وتیش"پاسەوانەیل قایمقام سەردانەگەی وە تەقەکردن خەسیگ وە ئاراستەی وەرپرس بەش ماشینەیل شارەوانی جواودانە وەرجەوەی بڕەسێدە ماڵ قایمقام".
وتیش "لە ئەنجام تەقەکردنەگە دوو کەس زەخمداربوین کە وەرد وەرپرس ماشینەیل غوراف بوینە ( کوڕ و زاواگەی) یەکیگیان بارودۆخی ناجیگیرە" وتیش " هێزە ئەمنیەیل ئاخڵەی شوین رویداوەگە دانە و زەخمداریەیلە ئەرا خەسخانە کلکردنە، و هەردووگلا لە بنکەی پۆلیس سکاڵای هاوتا توومارکردنە".