شەفەق نیوز/ دەسەڵاتەیل عراق، ئمڕوو سێشەممە، خەوەردان لە دەسگیرکردن 13 توومەتبار دوو بیگانە هاناویان، و دەسناین وەبان شوقەیگ ئەرا لەشفرووشی و قوماربازی لە بەغداد پایتەخت.
سەرچەوەیگ ئەمنی ئەرا ئاژانس شەفەق نیوز وت: پولیس بەغداد لەش بەغداد جدیدە، لە جیوەجیکردن فەرمان بەسانن گشت هۆڵەیل قوماربازی و فرووشتن مەی و هوتێل و شوینە بەدناوەین، و وەگورەی زانیارییەیل شوینیگ بەیت کردن لە ناوچەی غەدیر، ئەرا لەشفرووشی و قوماربازی وەکاری تیەرن.
سەرچەوەگە وتیش: پولیس چگە ناو شوقەگە، و 11 کەس عراقی دەسگیر کرد، کە 3 ژن لەناویان کار لەشفرووشی کەنر و دووانیش بیگانە یەکیگ فەلەستینی و ئەوەکە پاکستانی.
وتیش: گشت نوومەتبارەیل دریانە دەس بنکەی پولیس بەغداد جدیدە.
لەلای خوەییش، فەرماندەیی ئۆپراسیۆنەیل بەغداد دەسگیرکردن بڕیگ توومەتبار راگەیان.
دیاری کرد کە لەناو ئەوانە کابرایگ مووڵەت کارکردن ساختە دروس کەێد و کارایگیش سحرباز، و سێ کەس بیگانە مەرجەیل نیشتەجیبوبن شکاننە، و کەسەیلیگ وە تاوانەیلیگ و تاوان هووشبەری و چەک بیمووڵەت.
وتیش: دەسنریا وەبان 14 دەوانچە و سێ تفەنگ و چەن ماشین و ماتووڕسکڵیگ و بڕیگ مادەی هووشبەر و دەرمان وەسەرچگ.