شەفەق نیوز/ سەرچەوەیگ لە پولیس عراقی، ئمڕوو سێشەممە، خەوەردا لە کوشیان ئەندامیگ لە وەزارەت ناوخۆ، لە ئەنجام تەقیان بومبیگ دەسی، کە لەناو ماڵەگەی لە بەغداد پایتەخت دەسکاریی کردیە.
سەرچەوەگە ئەرا ئاژانس شەفەق نیوز وت: دەنگ رممەی تەقینەوەیگ لە ماڵیگەو لە ناوچەی ملحانیە لە بەغداد هەڵسیار و رەسینە شوینەگە، و دەرکەفت بومبیگ دەسی مەوقەی دەسکاریکردنی لەلای ن کەسیگ لەناو گەراج ماڵەگەی تەقیەسەو، و ئەو کابرا ئەندام پولیس بویە، و گیانی لەدەسدا.
وتیش: بڕیگ ترەک لە بومب دەسی لەناو گەراج ئەو کابرا پەیا کریا، کە پسپۆڕ تەقینەوە هاوریا، و تەرمەگە هەڵگریا.