شەفەق نیوز/ دوو کووڵبەر دانیمارکی تەرم پیاویگ پەیاکەن کە وەرجە دوو هەزار ساڵ مردیە.
وەپای خەوەریگ لە ماڵپەڕ " almarsd" تەرمەگە وشکنین ئەرای کریاس دەرکەفتیە لە قویلایی دوو مەتر و نیم خاک کریاس تەرمەگە لە شیوەی چەمیان بویە و پەتیگ لەقێ ملیەو بەسیاگە.
دانشتگەیل ناوچەگە لەسەرەتا لەخوەیانەو تەرم مناڵیگە کە ساڵیگ وەرجە ئیسە دیار نەمەنییە باوجی لەدویای دەسوەردان پۆلیس و پزیشکەیل پسپۆر دەرکەفتیە تەرمەگە چوودەو ئەرا پیاویگ زیاتر لە دوو هەزار ساڵ وەرجە ئیسە لە سێدارە دریاس.
وەپای وشکنینەیل، هاتێ ئەو پیاوە تەمەنی چڵ ساڵان بوود لەناوەین ساڵەیل275 بۆ 210 وەرجە زایین کووچ دویایی کردیە.