شەفەق نیوز/ کەشناس عەلی جابر زیادی، ئمڕوو پەنجشەممە، وت عراق عراق داوەزین 3 پلە لە پلەی گەرمی توومارکرد یەیش لەماوەی دەساڵ تەواو یەکەمجارە لە مانگ تەمووز تووماربکرێد.
زیادی ئەرا ئاژانس شەفەق نیوز دیاریکرد، " داوەزیان بارستە وایگ وە چالاکی وای باکوور خوەرئاوا لە نیمەڕووی دوو سوو شەممە چالاکەوبوود و بوودە هووکار داوەزیان پلەی گەرمی وە سێ پلە لەناوڕاس وڵاتەگە و نزیکەی دوو پلە لە باشوور کە بەرزترین پلەی گەرمی لەناوڕاس عراق رەسێدە 43 پلەی سیلیزی لە بەغدای پایتەخت و شارەیل ناوڕاس و 46 پلەی سەدی لە فورات ناوڕاس و باشوور کەمتر لیانەش لە خوەرئاوا و باکوور وڵات توومارکرێد".
زیادی وتیش "ئێ پلەیلە کەمترینە کە لەی مەوقەی ساڵەگە توومارکریابوود لەماوەی دەساڵ وەرین"، مەزەنەکەێد "پلەی گەرمی لە هەفتەی سەرەتای مانگ ئاب وە نیگیری بمینێد و کەشوهەوا نیمچە سروشتی بوود".