شەفەق نیوز/ سرچەوەیگ لە فەرمانگەی تەندروسی نەینەوا، ئمڕوو یەکشەممە، خەوەردا تەندروسی حالەتیگ گومان لێکریاگ تویشهاتن وە تەو خوین وەربوین گنجیگ توومارکردنە، کە حالەتەیل تویشهاتن لە سەرەتای ساڵەوە تا ئیسە لە پارێزگاگە 12 حالەت بویە.
سەرچەوەگە وە ئاژانس شەفەق نیوز وت، "تەندروسی نەینەوا حالەتیگ گومانلێکریاگ وە تەو خوین وەربوین گەنجیگ 20 ساڵان توومارکرد کەخەڵک ناحیەی عیازیەس ( خوەرئاوای موسڵ) ئیرنگە لە موسڵ چارەسەر وەرگرێد".
سەرچەوەگە ئەرا تەندروسی نەینەوا دووپاتکرد "چەوەڕێمن ئەنجامەیل تاقیگە دووپاتیبکەێد وەلایەن تەندروسی گشتی بەغداد لە تویشهاتنی یا نەهاتنی"، وتیش " گەنجەگە گومانکرێد تویشهاتبوی چوینکە لە چەنرووژ گوزەشتە ئاژەڵ سەربڕیە".
ئەو شمارەی نەینەوا تووماریکردیە لە تویشهاتن تەوخوین وەربوین سەرچەوەگە دووپاتیکرد "تەندروسی نەینەوا تا ئمڕوو بیجگە لەی گەنجە 12 تویشهاتن توومارکردیە لەسەرەتای ئمساڵەو وەگەرد دوو مردن".