شەفەق نیوز/ وەڕێوەبەرایەتی گشتی کاروبار مادەیل هووشبەر و کاریگەری دەروینیەیل، ئمڕوو پەنجشەممە، راگەیان دادگای عراق سزای لە سێدارەداین و زیندانیکردن هەمیشەیی ئەرا 30 زیندانی بازرگان مادەی هووشبەر دەرکرد.
وەڕێوەبەرایەتیەگە ئمڕوو لە بەیاننامەیگ راگەیان، دادگای تاوانەیل 13 سزای لە سێدارەدان دەرکرد ئەرا توومەتبارەل وە بازرگانیکردن مادەی هووشبەر وەگەرد سزای زیندانیکردن هەمیشەیی ئەرا 17 بازرگان.
لەماوەی ساڵ 2023 وەزارەتەگە زیاتر لە 7 هەزار سزای دەرکرد ئەرا تاوانەیل پەیوەنیدار وە بازرگانی و کیشان و بڵاوکردن مادەی هووشبەر، دابەش بوود لەناوەین زیندانیکردن هەمیشەیی و لە سێدارەداین و سزایەیل ترەک.