هەولێر-KDP.info- حکوومەتی هەرێمی کوردستان دەست بە دابەشکردنی مووچە دەکاتەوە و یەکەم وەزارەتیش تەندروستی دەبێت.
ڤایرۆسی كۆرۆنا بووەتە هۆکاری ئەوەی چەند مانگێكە وەزارەتی دارایی لە دابەشكردنی مووچەدا وەزارەتی تەندروستی پێش دەخات و سبەی دووشەممە 4-5-2020 مووچەی وەزارەتی تەندروستی دابەشدەکرێت.
بەهۆی راگرتنی مووچەی فەرمانبەرانی هەرێمی كوردستان، دابەزینی نرخی نەوت و رێکارەکانی خۆپارێزیی لە کۆرۆنا لەلایەن حكوومەتی عێراق، ئەم مانگە دابەشكردنی مووچەی فەرمانبەران دواكەوت.
رۆژی شەممە سەرۆکی حکوومەتی هەرێمی کوردستان لەگەڵ شاندی دانوستاندن لەگەڵ بەغدا کۆبووەوە و دوای کۆبوونەوەکەش بڕیاردرا بەپێی ئەو توانا داراییەی ئێستا لە بەردەستە ، دەست بە دابەشکردنی مووچە بکرێت.