زیاتر لە یەک ملیار دۆلار فرووش بانک ناوەندی عراق وە ماوەی هەفتەیگ

شەفەق نیوز/ بڕ گشتی فرووش دۆلار لەلایەن بانک ناوەندی عراق لە ماوەی هەفتەی گوزەشتە کە زیایکردنەگە لەناوی واز بوی زیاتر لە یەک ملیار دۆلار بویە.

 پەیامنێر ئاژانس شەفەق نیوز وت: بانک ناوەندی لە ماوەی هەفتەی گوزەشتە و لەو 5 رووژە کە زیایکردنەگەی لەناویان واز کرد، یەک ملیار و 410 ملیۆن و 230 هەزار و 782 دۆلار فرووشتیە، وە ریژەی رووژانە 282 ملیۆن و 46 هەزار و 156 دۆلار، زیاترە لەوەگ لە هەفتەی گوزەشتە توومار کریاوێد، هەناێ رەسیە یەک ملیار و 387 ملیۆن و 237 هەزار و 49 دۆلار. 

 بەرزترین فرووش دۆلار رووژ یەکشەممە بوی کە فرووشی 274 ملیۆن و 868 هەزار و 286 دۆلار بویە، کەمترین فرووشیش رووژ سێشەممە بویە کە 262 ملیۆن و 223 هەزار و 443 دۆلار بویە. 

 پەیامنێرمان وتیش: فرووشتن هەواڵەی دەرەکی لە ماوەی هەفتەی گوزەشتە “یەک ملیار و 361 ملیۆن و 480 هەزار و 782 دۆلار بویە، کە وە بەراورد وە فرووش نەختینەیی 96% زیایکردگە، کە 48 ملیۆن و 750 هەزار دۆلار بویە”.