شەفەق نیوز/ سەرچەوەیگ ئەمنی لە بەغداد، ئمڕوو دووشەممە، خەوەردا کە گەنجیگ ئەرا خوەیکوشتن خوەی خستە ناو چەم دیجلە، و تەرم پیاییگ لەناوڕاس پارێزگاگە پەیا کریا، و هیزەیل ئەمنی چەتیگ ژن لە ناوچەیگ بازرگانی دەسگیر کەن کە دژی کەن.
سەرچەوەگە ئەرا ئاژانس شەفەق نیوز وت: فەرمانبەریگ لە کۆمپانیای بەشەوکردن بەرهەمەیل نەفتی لەداڵگبوی 2022، ئەرا خوەیکوشتن خوەی لە بان پیەڵ 14 رەمەزان لە ناوچەی عتێفیە خوەی خستە ناو چەم دیجلە، و لە ناو ئاوەگە خنکیا.
وتیش: پولیس ئاوی تەرمەگە لەناو چەم دراوردن، و ئەرا پزشک دادوەری بریا، و لێکۆڵینەوە لە رویداوەگە واز کریا.
وتیش: هیزیگ ئەمنی، تەرم پیاییگ نزیک تانکی ئاوەگە لە ناوچەی باب شەرجی ناوڕاس بەغداد پەیا کرد، و تەرمەگە ئەرا پزشک دادوەری بریا.
لەلاییگ ترەک، سەرچەوەگە وتیش؛ مەفرەزەیل وەڕیەوبەرایەتی دژە تاوان لە نویسینگەی ئەعزەمیە، سێ ژن توومەتبار دەسگیر کردن، لەبان دزیکردن لە ژنەیل بازاڕەگە لە ناوچەی ئەعزەمیە، وتیش؛ کاغەزەیل لێکۆڵینەوە خریانە وەردەس دادوەر و بەندی کریان.