شەفەق نیوز/ زانای رووس سێرگی بوگاتشۆف، وەڕیەوبەر تاقیگەی زانست گەردونناسی خوەر لە پەیمانگەی چووڵایی ئاسمانی لە ئاکادیمیای زانستەیل رووسیا، ئویشێد: لەکەیگ وەشیوەی دڵ کەفتیەسە بان خوەر.
وەگورەی ئەو زانا: گشت شیوەیگ لەکە لەبان خوەر وەردەوام نیەمینێدر ئەراوە دویرنیە ئەو لەکە وەیزویە لەبان خوەرەگە نەمینێد، چوینکە ئەو لەکەیلە لە کاریگەری تیەن مۆگانتیس فرەیگ دیار دەن، و ئی کاریگەرییە لەبان خوەر جیگیر نییە.
ئەو زانای رووسە وتیش: لە وەختیگ ئی لەکە دیار بویە، هویچ پرشنگیگ لەبان خوەر نەویە.
ئویشێدیش؛ ئەگەر بویشیمن خوەر جویر ئایمە، دڵ خوەر ئەو ناوکەسە کە فرە سویەرە، و لەناوی گوڵپەی ئەتۆمی بوود، و گەرمی و رووشنایی لەلیەو دەرچوود، کە دویای ماوەیگ رەسێدە زەوی.