شەفەق نیوز/ راگەیانن ئۆپراسیۆنیەیل بەغداد، ئمڕوو یەکشەممە، خەوەردا لە جیوەجیکردن ئۆپراسیۆنیگ ئەرا لەناوبردن و وشکنین چوار "هۆڵ بازی قومار و دومبەڵە" و 108 کەس لەناویان دەسگیرکردن لەلای کەرخ لە بەغدای پایتەخت.
لە بەیاننامەیگ رەسیە ئاژانس شەفەق نیوز وت، لە چوارچمگ پلانەیل دانریاگ وەلایەن فەرماندەیی ئۆپراسیۆنەیل بەغداد ئەرا فراوانکردن ئاسایش بی وەیی و وشکنیین و وەدویاچگن هۆڵەگان چێشتخانەیل و کافێیەگان و بەسانن شوینەیل بی موڵەتەیل، هێزەیگ هاوبەش لە فەرماندەیی پۆلیس کەرخ، و دەزگا و بڕیکارەیل پەیوەنیدار وەخوەی، وە سەرپەرشتیگ مەیدانیانە سەرکردە و فەرماندەیل، دوو رووژ وەبان یەک، کە ئۆپراسیۆنیگ مینەکردن و وشکنین ئەنجامدان لە ئەنجام : چوار هۆڵ گەورە بەسریا کە ئەرا "بازی قومار و دومبەڵە" وەکارهاوریانە".
دیاریکرد، هیزەگە توەنستنە 108 کەس دەسگیربکەن لەناو ئەو هۆڵەیلە وەگەرد خاوەنەیلو کراکارەیل ناوی، لەناویان چوار داواکریاگ هەس وەپای مادە یاسایی جیاوازەیل کە فەرمان دەسگیرکردنیان دەرچگە، و 8 کەس بیانی خاوەن سەرپیچیکەر یاسا و رینمایەیل نیشتەجیبوین هاناویان، وەگەرد دەسگردن وەبان بڕ فرەیگ نوشەمەنی کحولی و کەرەستەیل و ئامێرەیل بازی (دومبەڵە و قومار)، لە چەن شوینیگ لە ناوچەی کەرخ.