شەفەق نیوز/ سەرچەوەیگ ئەمنی لە زیقار، ئمڕوو یەکشەممە، خەوەردا لە قومیان جەنگ گەورەیگ ناوەین برایەیل جیگر سەرۆک ئەنجومەن پارێزگای زیقار، مورتەزا جۆدە.
سەرچەوەگە ئەرا ئاژانس شەفەق نیوز وت: برایەیل جیگر سەرۆک ئەنجومەن پارێزگای زیقار، مورتەزا جۆدە، ئمڕوو چگنە ناو جەنگیگ چەکدار ناوەین خوەیان نزیک مەکتەو رواد لە قەزای دەوایە باکوور خوەرهەڵات شار ناسریە.
سەرچەوەگە دیاری کرد کە کە بویە تەقەکردن ناوەین برایەیل و یەکیگیان وە چەن گولەیگ زەخمدار بوی، و ئەرا نزیکترین خەسەخانە بریا.
سەرچەوەگە وتیش: ئی جەنگە ناوەین دوو لایەنەگە لەبان میراتی باوگیان بویە، وتیش: هیزەیل ئەمنی رەسینە شوین رویداوەگە و لێکۆڵینەوە واز کردن.