کەشناسی عراق مەزەنەی بەرزەوبوین نوویگ لە پلەی گەرمی کەێد

شەفەق نیوز/ دەسەی کەشناسی عراق، ئمڕوو یەکشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس بەرزەوبوین نوویگ لە پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو دووشەممە، رووشنە تا نیمچە ئەورە، و پلەی گەرمی لە ناوچەی ناوڕاس و باشوور کەمیگ بەرزەو بوود، و لە ناوچەی باکوور نزیک رووژ وەرجە خوەیە.

وتیش: پلەی گەرمی مەزن لە بەغدا و کەربەلا رەسێدە 47 پلەی سەدی، لە ئەنبار و واست 46، لە دهۆک 50، نەینەوا و کەرکوک 44، نەجەف و موسەنا و زیقار و دیوانیە 48، و لە میسان و بەسرە رەسێدە 49 پلەی سەدی.

دیاری کرد کە لە رووژ سێشەممە، وەگشتی ئاسمان رووشنە تا نیمچە ئەوریگ، و پلەی گەرمی لە ناوچەی ناوڕاس و باشوور نزیک رووژ وەرجە خوەیە، ولە ناوچەی باکوور کەمیگ بەرزەو بوود.

هەمیش وت: ڕووژ چوارشەممە، ئاسمان لە گشت ناوچەیل وڵاتەگە رووشنە، و پلەی گەرمی وەگشتی نزمەو بوود.

دەسەگە وتیش: کەشوهەوای وڵاتەگە ئەرا رووژ پەنجشەممەی ئایندە، وەگشتی رووشنە، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.