مردن چاخترین وەرزشوانەیل لەشجوانی لە جەهان

شەفەق نیوز/ وەرزشوان بیلارووسی، ئیلیا یەفیمشیک خاوەن نازناو چاخترین وەرزشوان لەشجوانی لە جەهان، وە نۆرەی دڵ ناکاوی، لە تەمەن 36 ساڵان گیانی لەدەسدا.

ئیلیا کە وەناو (جۆلیم+ ناسیاس رووژانە هەفت گلە خواردن خوەێد، کە 108 پارچەی شەشی و 2.5 کیلۆگرام پارچەیل گووشت خوەێد، وەگورەی رووژنامەی دەیلی مەیل بەریتانی.

پاڵەوان لەشجوانی ناو (وەحش) بڕیا باڵای، کە کیشی رەسێدە نزیکەی 140 کیلۆگرام.

باڵای رەسێدە نزیکەی 186 سم، و سینەی و ماسوولکەی رەسێدە نزیکەی 36 سم.

مەزەنە کریەێد مەوقەیگ لەناو ماڵ بویە تویش نۆرەی دڵ هاتیە، و ژنەگەی زوور وەبان سینەی هاوردیە تا ماشین فریاکەفتن بڕەسێد.

ئانا ئەرا میدیایل راگەیانن بیلاڕووس وت: گشت وەختەگە نماز خوەنیم تا ئیلیا خاسەو بوود.

وتیش؛ دووارە تا ماوەی دوو رووژ دڵی هاتە کوتیان، وەلێ پزیشک خەوەر بەدیگ داشت، کە مەغزی مردگە.