شەفەق نیوز/ وەزارەت ناوخۆی عراق، ئمڕوو دووشەممە، خەوەردا کە وەڕیەوبەرایەتی مقیەتیکردن خیزان و مناڵ توەنست کابرایگ توومەتبار وە وەکارهاوردن هووشبەری دەسگیر بکەێد و تونوتیژی وەبان مناڵەیلی وەشیوەیگ وەحشیانە کەێد، ئەوەیش لە بەغدای پایتەخت.
وەگورەی بەیاننامەیگ رەسیە ئاژانس شەفەق نیوز؛ داوا وەبان کڕ سویەر لە وەخت شەفەق ئەرایان رەسیە، کە مناڵەیلیگ کەفنە وەر تونوتیژی وەدەس باوگ خوەیان لە ناوچەی ئەبو دشیر، و لەپشت چەودیاریکردن جینشین وەزارەتەگە ئەرا کاروبار پولیس و وەڕیەوبەرایەتی مقیەتیکردن خیزان و مناڵ، مووڵەت دادوەری وەرگریا.
وتیش« مەفرەزەیگ لە باس کەرخ دروس کریا، کە روی وەرەو شوین رویداوەگە کردن لە ناوچەی ئەبو دشیر، و هەنای رەسینە ماڵەگە، توومەتبار (ع. م. ل) دەس لە ئەندامەیل ئەمنی وەشان، و دویای وەردەوەردەیگ دەسگیر کریا.
دویای وەشکین ماڵ ئەو کابرای توومەتیارە، مناڵەیل ئازاد کریان، کە شوین شکەنجە وەلەشیانەو بوی، و ئەرا خەسەخانە کلکریان.
جی باسە کە لە وەشکین ماڵەگە، کەرەستەیل وەکارهاوردن هووشبەری پەیا کریا، و ریکارەیل یاسایی وەگەردی جیوەجی کریا.