شەفەق نیوز/ دەزگای ئاسایش نیشتمانی عراق، ئمڕوو یەکشەممە، دەسگیرکردن دوو توومەتبار راگەیان کە کارەیل جادووبازی کردنە، و زیاتر لە 400 ژن کردنەسە قوربانی خەڵاتیان لە بەغدای پایتەخت.
لە بەیاننامەیگ رەسیە ئاژانس شەفەق نیوز وت: دویای رەسین زانیاری هەواڵگری هویرد، و وەرگری مووڵەتەیل دادوەری، مەفرەزەیل دەزگاگە توەنستن دوو توومەتبار دەسگیر بکەن، کە کەرەستەیل جادووبازی وەپییان بویە.
لەناو لێکۆڵینەوە، ئەو دوو توومەتبارە ئاشکرا کردن کە چەن ژنیگ کردنەسە قوربانی کارەیلیان، کە شمارەیان لە 400 ژن زیاترە، و هەڕەشەیان وە کوشتن دانە، و داوای زیاتر لە 300 ملیۆن دینار کردنە.
وتیش: قسەی توومەتبارەیل توومار کریا، و ریکارەیل یاسایی وەگەردیان جیوەجی کریا.