شەفەق نیوز/ سوپای عراق، ئمڕوو دووشەممە، راگەیان کە فەریق ئەوەل روکن کۆماندۆ عەبدولئەمیر رەشید یارەلڵا سەرۆک ئەرکان سوپا، سەرۆکایەتی گردەوبوینیگ ئەمنی کرد، لەناوی باس رەوشەیل ناوچەگە کربا.
وەگورەی بەیاننامەگە، یاوەر سەرۆک ئەرکان سوپا ئەرا ئۆپراسیۆنەیل، وەگەرد فەرماندەیل چەک هشکایی و ئاسمانی و فڕۆکەوانی سوپا و وەڕیەوبەر پلانسازی لەناو گردەوبوینەگە ئامادە بوین.
ئادمادەبویەیل باس رەوشەیل ئەمنی لە ناوچەگە وەشیوەی گشتی کردن، وەگەرد سەختیەیل لە نوای هیزەیل ئەمنی لەسای ئاڵشتبویەیل هەرێمی.
وەگورەی بەیاننامەگە، باس ئامادەیی هیزەیل ئەمنی عراق کریا، ئەرا مسۆگەرکردن بەرزترین ئاست ئاسایش و ئامادەبوین ئەرا هەر کاریگ ناکاوی، لە چوارچیوەی قایمکردن ئاسایش و ئارامی وڵات.