شەفەق نیوز/ کەشناس عەلی جابر زیادی، ئمڕوو دووشەمە، هووشداریدا لە وای توونیگ و شەپوول واران وارین، ریگە وازکەێد نوای داوەزیان پلەی گەرمی و ماڵئاواییکردن لە وەرز تاوسان وەشیوەی گشتی.
زیادی وە ئاژانس شەفەق نیوز وت "سوو سێشەممە پلەی گەرمی وە بەرزیمینێد لەوەر بارستە وای گەرمیگ باشوور"هووشداریدا "وایەگە ە ئاراستەی باشوور خوەرهەڵات تونیەگەی بەرزەوبوود رەسێدە 42، 46 کم/س لە واست و میسان و ناسڕیە و بەسڕە، و لە شارەیل ترەک تونیەگەی کەمترە رەسێدە تا یەواش لە خوەراوا و باکوور وڵاتەگە".
وتیش "سوو سێشەممە شارە دیارکریاگەیل خوەرهەڵات کەرکوک و سلێمانی واران وارێد، لە باکوور سلێمانی رفتەوبوود، وارانەگە ئەرا ناوچەیل ترەک لە وڵاتەگە فراوانەو بوود وە درویژایی رووژەیل ئایندە وە کەمی مینێد".
ئاشکەراکرد، لەباوەت پلەی گەرمی، مەزەنەکرێد داوەزیان گەپ و وەرچەویگ وەخوەی بویند لە رووژ چوارشەممە و پەنجشەممەی ئایندە، ئەرا یەکەمینجار پلەی نیمەی سیەگن توومارکرێد لە ناوڕاس و باکوور وڵاتەگە لەخوارتریشە، شارەیل باشوور وە (37) پلە ماڵئاوایی لە تاوسان کەێد".