شەفەق نیوز/ شانەی راگەیانن ئەمنی، ئمڕوو چوارشەممە، خەوەردا لە کەفتن چوار قوربانی لە هیزەیل ئەمنی، لە ئەنجام کوڵەگردن داعش لە کەرکوک.
عەمید موقداد میری قسەکەر وەزارەت ناوخۆ و شانەی راگەیانن ئەمنی لە بەیاننامەیگ رەسیە ئاژانس شەفەق نیوز وت: لە ساعەت 1000 ئمڕوو چوارشەممە، مەوقەی دەرچگن هیزیگ لە هەواڵگری لیوای 42 فیرقەی 11 ئەرا ئەرک روانگەی و وەشکین لە دووڵ زغێتون لە کەرت ئۆپراسیۆنەیل کەرکوک، کەفتنە ناو کوڵەگردن وەلایەن ئەندامەیل داعش تیرۆرست، کە بویە هەکار شەهیدبوین چوار حەنگاوەر و زەخمداری سێیان ترەک.
عەمید میری وتیش: هیزەگە پاڵپشتی کریا، و رەسینە ئەو ناوچەیلە، و کەفتنە شوین مەفرەزەی تیرۆرستەگە، و لە ئاسمانەو پاڵپشتی کریا، وە ئامادەبوین فەرماندەی فیرقەگە، و ئەنجومەن لێکۆڵینەوە لە رویداوەگە دروس کریا.