شەفەق نیوز/ فەرماندەیی ئۆپراسیۆنەیل بەغداد، ئمڕوو پەنجشەممە، دەسگیرکردن ژنیگ راگەیان وە توومەت رفانن لە ناوچەی "بەیاع" لەلای کەرخ بەغدای پایتەخت
لە بەانامەیگ رەسە ئاژانس شەفەق نیوز ئاشکەرایکرد، دەسگیرکردنەگە لە ئەنجام تەقەلایگ هەواڵگیری ناوارە هات وەلایەن شانەی دژە رفانن لە بەش هەواڵگێری و ئەمن سەرکردایەتی، و وەدویاچگنیگ مەیدانیانە ئەرا یاداشت دەسگیرکردنی کریا کە لە یەکیگ لە دادگایەیل ئەرا توومەتبارەیل دەرچگە.
وەپای بەیانامەگە، هێزەیل توەنستنە شوین توومەتبار و جموجویلەیلی پەیابکەن، وە کوڵە قایمیگ توەنستن دەسگیری بکەن و بەنێ دەس لایەنە پەیوەنیدارەیل ئەرا تەواوکردن رێکارەیل گونجیاگ.
وازارەت وەرگیری عراقی راگەیان،، مەفرەزەیل وەڕێوەبەرایەیتی هەواڵگێری و ئەمن نەجەف سەر وە خوەیان توەنستنە کەسیگ دەسگیربکەن کە خوەی وە ئەفسەریگ وە پلەی (عەمید) لە پارێزگاگە ناسانیە.
وەزەرایەتە لە بەیانننامەیگ رەسیە ئاژانس شەفەق نیوز راگەیان، توومەتبارەگە هاوڵاتیەیل هەڵخەڵەتانیە وە دامەزراننیان وەرانوەر بڕە پویلیگ، لەدویای وەرگردن رەزامەنی دادگا، توومەتبار لەوەت هەڵخەڵەتانن هاوڵاتیگ دەسگیرکریا، وتەی سەرەتایی لەلی وەرگیریاس و ئەرا لایەنی پەیوەنیدار کلکریاس.
وەپای بەیانامەگە، مەفرەزەیگ لە وەڕێوەبەرایەتی هەواڵگێری و ئاسایش بابل بازرگانیگ ناودەوڵەتی مادەی هووشبەر دەسگیرکردن لەوەخت هاتنی ەرا پارێزگای کەربەلا، فەرمان دەسگیرکردن ئەرای دەرچگە وەپای بڕگە مادەیل (27 هووشبەر). رێکارەیل یاسایی وەرانوەری گیریاس ئەرا دادگا کلکریا.