شەفەق نیوز/ سەرچەوەیگ لە پۆلیس ناوخوەیی، ئمڕوو شەممە، خەوەردا لە کوشیان وەرپرسیگ حکومی و سێ ئەندامەیل خێزانەگەی وە تەقەکردن لەلیان وەدەس چەکدارەیل نەناسیاییگ لەدویای هەڵکوتانە بان ماڵیان لە خوەرئاوای پارێزگای ئەنبار.
سەرچەوەگە وە ئاژانس شەفەق نیوز وت، قوربانیەگە ئەندازیار (فراس ئەلعوبێدی)یە کە وەڕێوەبەر وێستگەی کارەبای رەمادیە، وتیش عوبێدی و ئەندامەیل خێزانەگەی کوشیانە کە شمارەیان سێ کەسە لەدویای ئەوەگ چەکدارەیل هەڵکوتانەس بان ماڵیان لە ناحیەی بەغدادی خوەرئاوای ئەنبار.
هووکار ئەنجامدان تاوانەگە نەزانریاگە کە ئەو چەکدارەیلە ئەنجامیدانە، دەزگای ئاسایش ئاخلەی شوین رویداوەگە دانە ئەرا ئاشکراکردن هویردەکاریەیلی.