شەفەق نیوز/ کەسەیلیگ لە کەرکوک، ئمڕوو چوارشەممە، خەوەردان لە کەفتن بەشەیلیگ لە پیەڵ "شميت" سەرەکی ناوەین پارێزگایل کەرکوک و نەینەوا.
یەکیگ لە خەڵک ناوچەی شمیت وەناو عەلی حەمدانی ئەرا ئاژانس شەفەق نیوز وت: پارچەیلیگ لە پیەڵ شمیت لەبان ری کەرکوک و نەینەوا کەفت، هەرچەن وەرجە نزیکەی دوو ساڵ پیەڵەگە خاسەو کریاس.
وتیش: وەلێ گەندەڵی مەقاولەیل و کارمەکردن وە پیشەیی و دەسپاکی هیشتیە بەشەیلیگ لە پیەڵەگە بکەفێد.
دووپات کرد کە خەڵک ناوچەگە داوا لە ئیدارەی پارێزگای کەرکوک کردن چارەسەر پیەڵەگە بکەن، چوینکە یەکیگە لە پیەڵە گرنگەیل و کەرکوک وە نەینەوا بەسێدەو.
هەرلیوا، ئەندازیار قاسم حەمزە بەیاتی وەڕیەوبەر ریوبان و پیەڵەیل کەرکوک ئەرا ئاژانس شەفەق نیوز وت: دەسەیگ هونەری دروس کریا ئەرا چەودیاریکردن پیەڵەگە و پەیاکردن چارەسەرییگ وەلێ خاسترە ئەرا ئەو پیەڵ ئاسنینە پڕۆژەی پیەڵ کۆنکریتی لەشانیەو دروس بکریەێد، تا ریەگە بکەفێدە بانی، و خوازیمن لە بانان ئی کارە بکەیمن.
دووپات کرد کە فەرمانگەی ریوبان و پیەڵەیل کەرکوک ئەوەسا زویوەزوی زەرەدەیل پیەڵەگە خاسەو کەێد.