شەفەق نیوز/ وەپای مەزەنە سەرەتایەیل بەش کەشوهەوا لە دەسەی گشتی کەشناسی و زەویلەرزەناسی دیاریکەن وڵاتەگە کاریگەر بوود وە کەشوهەوایگ واراناوی لە ماوەی هەفتەی کۆتایی ئێ مانگە تەشرین یەکەم/ئۆتۆبەر.
لەهەمان وەخت پسپۆر کەشناسی سادق عەتیە، دویەکە سێشەممە، مەزەنەکرد دەرفەت واران وارین لە سەرەتای ساڵ 2025 خاسترەوبوود، دووپاتکرد لە دوومانگ ئایندە رێژەگەی کەمە.
عەتیە لەبان تووڕ کومەڵایەتی نویسانبوی لە نمونەیل کەشناسی وەرزی CFW v2 تا ئیسە مەزەنەی دویا کەفتن وەرز واران وارین لە عراق کەێد.
ئاشکرایکرد، ئێ نمونە مەزەنەی کەمی رێژی واران وارین کەێد لە مانگ تەشریا دویەم و کانون یەکەم ئایندە وەرد نووکاریەیل ئەرێنییگ لە خاستربوین وەرز واران وارین لە سەرەتای ساڵ ئایندە و وەهار ساڵ 2025.