شەفەق نیوز/ دادگای نەهیشتن تاوانەیل نەجەف، ئمڕوو چوارشەممە، وە تەکنیک ڤیدیۆ کۆنفرانس، فەرمان وەسێدارەدان وەبان تیرۆریستیگ لە کەرکوک دەرکرد.
سەرچەوەیگ ئەمنی ئەرا ئاژانس شەفەق نیوز وت: دادگای نەهیشنن تاوانەیل نەجەف، دادکاری ئەلیکترۆنی وە ڤیدیۆ کۆنفرانس وەڕیەو برد، ئەرا تیرۆرستیگ خەڵک کەرکوک، و فەرمان وەسێدارەدانی دەرکرد.
سەرچەوەگە وتیش: ئەو تیرۆریستە پەیمان وە داعش داگە، و چگە ئەرا نەجەف تا زانیاری لە نویسینگەی مەرجعەیل ئاینی ئەرا سەرکردەیل داعش بوەێد.
وتیش: بڕیار دادگا لە بنەمای مامەی 4 لە یاسای دژە تیرۆر شمارە 13 ئەرا ساڵ 2005 دەرچگ.