بەرزەوبوین نرخ دۆلار لە بەغدا و جیگیربوینی لە هەولێر وەگەرد بەسیان بۆرسەیل

شەفەق نیوز/ نرخ دۆلار ئەمریکی وەرانەور دینار عراقی، ئمڕوو چوارشەممە، وەگەرد بەسیان بۆرسەیل سەرەکی بەغداد پایتەخت وەشیوەی کەمیگ بەرزەو بوی، و لە هەولێر پایتەخت هەرێم کوردستان جیگیر بوی.

پەیامنێر ئاژانس شەفەق نیوز وت: بۆرسەیل سەرەکی کیفاح و حارسیە لە بەغدای پایتەخت، ئیوارەی ئەمروو لەبان نرخ 152,750 دينار عراقی وەرانەور 100 دۆلار ئەمریکی دەرەیلیان بەسان.

شەوەکی ئمڕوو، نرخ 100 دۆلار ئەمریکی رەسیە 152,600 دينار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن 100 دۆلار ئەمریکی رەسیە 153,750 دينار عراقی، و نرخ سەنینی رەسیە 151,750 دينار عراقی.

لە هەولێر پایتەخت هەرێم کوردستان، نرخ دۆلار ئەمریکی وەگەرد بەسیان بۆرسە جیگیر بوی، کە نرخ فرووشتن 100 دۆلار ئەمریکی رەسیە 153,100 دينار عراقی، و نرخ سەنینی رەسیە 153,000 دينار عراقی.