کەشوهەوای پاییز و نزیکەوبوین سەردی لە عراق

شەفەق نیوز/ کەسەی کەشناسی عراق، ئمڕوو شەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس وەردەوامی لە داوەزیان پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو یەکشەممە وەگشتی ئاسمان رووشنە، وەگەرد لەکە ئەوریگ، و پلەی گەرمی کەمیگ نزمەو بوود، وەگەرد خوەڵوتووز سووکیگ.

وتیش: سوو دووشەممە، لە ناوچەی ناوڕاس و باکوور نیمچە ئەورە، و لە ناوچەی باشوور رووشنە، و پلەی گەرمی نزیک رووژ وەرجە خوەیە، و وا هەڵکەێد و خوەڵوتووز بەرزەو بوود.

دیاری کرد کە رووژ سێشەممە، لە ناوچەی ناوڕاس و باشوور ئاسمان لەکە ئەورە، و لە ناوچەی باکوور رووشنە، و پلەی گەرمی نزیک رووژ وەرجە خوەیە.

دەسەگە وتیش: کەشوهەوای وڵاتەگە ئەرا رووژ چوارشەممەی ئایندە، پلەی لە ناوچەی ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ نزمەو بوود.

دەسەگە وتیش: پلەی گەرمی سوو یەکشەممە وەیجویرە بوود:

لە بەسرە و میسان 37 پلەی سەدی، زیقار 35 پلەی سەدی، و لە بەغداد 30 پلەی سەدی، و لە سلێمانی 25 پلەی سەدی، دهۆک 21 پلەی سەدی، و لە هەولێر 24 پلەی سەدی.