شەفەق نیوز/ سەرچەوەیگ ئەمنی لە هاتوچو کەرکوک، ئمڕوو دووشەممە، خەوەردا لە کوشیان دوو کەس وە رویداویگ هاتوچو، لە وەختیگ تیمیگ راگەیانن وە رویداویگ ترەک زەخمدار بوی، و پیاییگ لە ئەنجام هیزگردن ئاگر لەناو ماڵەگەی گیانی لەدەسدا.
سەرچەوەگە ئەرا ئاژانس شەفەق نیوز وت: رویداویگ هاتوچو کەفتە ناوەین دوو ماشین لە چواڕیان ناوچەی پیشەسازی لە شار کەرکوک و بویە هوکار کوشیان دوو کەس.
دیاری کرد کە رویداوەگە لەوەر شکیان ناو جادەگە و تونی رانین بویە، وتیش: تەرم دوو قوربانیەگە ئەرا پزشک دادوەری بریا.
سەرچەوەگە وتیش: ماشینیگ هن تووڕ راگەیانن عراقی تیمیگ راگەیانن لەناوی بوی، لەبان ری لێلان لە ناحیەی تازە خورماتوو داد لە ماشینیگ ترەک، کە تیمەکە زەخمدار بوین.
وتیش: لێکۆڵینەوە لە رویداوەگە واز بوی کە تاوان رانندەی ئەو ماشینەگە بوی کە وە ری پیچەوانەوەو هاتیە
لە بەغدا، سەرچەوەیگ ئەمنی ئەرا ئاژانس شەفەق نیوز وت: ئاگر لەناو ماڵیگ لە ناوچەی بەغداد جدیدە خوەرهەلات بەغداد هیز گرد، بویە هوکار مردن پیاییگ لەداڵگبوی ساڵ 1976، و دیاری کرد کە تیمەیل وەرگری شارستانی توەنستن ئاگرەگە کپەو بکەنر و تەرم قوربانیەگە ئەرا پزشک دادوەری بریا.