شەفەق نیوز/ دەزگای ئاسایش نیشتمانی عراق، ئمڕوو دووشەممە، دەسگیرکردن دەیان ئەندام بزووتنەوەی “قوربان” لە چوار پارێزگا ڕاگەیان.
دەۆگاگە لە بەیاننامەیگ رەسیە ئاژانس شەفەق نیوز وت: “وەگورەی زانیارییەیل، هەواڵگرییە مەفرەزەیلمان توەنستن ئەندامەیل نوویگ سەر وە بزووتنەوەی (قوربان) لە چوار پارێزگار دەسنیشان بکەن”.
وتیش: "لەدویای ئەوە و دویای وەرگردن مووڵەت دادوەری، دەزگامان لە پارێزگای واست، موسەنا، بەسرە، و زیقار توەنستن 35 کەس لە گرووپ قوربان دەسگیربکەن تا بیریەنە دەس لایەن پەیوەندیدار و ڕێکارەیل وەرانوەریان جیوەجی بکریەن".
لە سەرەتای مانگ تەمموز گوزەشتە، دەزگای ئاسایش نیشتمانی دەرکەفتن ئی بزووتنەوە ڕاگەیان، کە وە "عەلاڵاهی"یش ناسیاس، کە ئەندامەیلی هویرەیل لەڕی لادان بڵاو کەن، کە ەە تیروپشک و هەرکەسیگ ناوی دەرچوود بایەسە وەسێدارەدان خوەی بکوشێد.