شەفەق نیوز/ دەسەی کەشناسی عراق، ئمڕوو سێشەممە، راگەیان، بارستە وای سەردیگ لە خوەرهەڵات ئوروپا روی لە عراق کردیە و پلەی گەرمی وەگەردیا سێ تا هەفت پلە داوەزێد.
دەسەگە دیاریکرد، وە مدوو ئەو شەپوول سەردی و داوەزیانە روی لە عراق کەێد هاتێ واران بوارێد لە ناوچەیل هەرێم و ناوچەیل ترەک عراق.
ئاشکرایکەێد، ناوچەیل ناوڕاس عراق و هەرێم کوردستان کەفێدە ژیر کاریگەری راستەوخوەی شەپوولەگە وەی مدووە پلەی گەرمی وەشیوەی وەرچەو داوەزێد و لە ناوچەیل باشوور کەمتر داوزیان هەس.