شەفەق نیوز/ عەبدولەتیف رەشید سەرۆک کۆمار عراق، ئمڕوو سێشەممە، مکیسیگ فەرمی لە عەبولفەتاح سیسی سەرۆک وڵات میسر وەرگرد، ئەرا سەردان قاهیرە و بەشداریکردن لە دیدار شارستانی جەهانی.
نویسینگەی سەرۆکایەتی کۆمار لە بەیاننامەیگ رەسیە ئاژانس شەفەق نیوز وت: عەبدوللەتیف رەشید سەرۆک کۆمار، پەیامیگ لە عەبولفەتاح سیسی سەرۆک میسر وەرگرد، ئەرا بەشداریکردن لە دیدار شارستانی جەهانی کە ئەرا ماوەی من 4 تا 8 تشرين دویەم ئایندە وەڕیەو چوود.
وتیش: مکیسەگە مەوقەی پیشوازیکردنی لە ئەحمەد سەمیر باڵیۆز وڵات میسر لە کۆشک سەرۆکایەتی، ئمڕوو سێشەممە، وەپی رەسی.
دیاری کرد کە لە دیدارەگە باڵیۆز ئەحمەد سەمیر سڵاو سەرۆک سیسی ئەرا سەرۆک کۆمار رەسان، و ئومیدەیلی ئەرا بەڕێزی وە تەواو تەندروسی و سەرکەفتن و ئەرا گەل عراق زیاتر لە گەشەکردن و خوەشگوزەرانی.
وەگورەی بەیاننامەگە، سەرۆک کۆمار سوپاس خوەی ئەرا مکیسەگە پیشکەش کرد، و سڵاو خوەی ئەرا سەرۆک عەبولفەتاح سیسی کلکرد، و باس قویلی پەیوەندییەیل میژووی وەگەرد کۆمار میسر عەرەبی کرد، و گرنگی فراوانکردن ئاسووەیل هاوکاری دووانی وەوەگ نووڕینەیل دوو گەل برا لە پیشکەفتن و ئەوزەڵکردن وەجی تیەرێد.