شەفەق نیوز/ نەخشەیل کەشوهەوا ئەرا ئمڕوو چوارشەممە، دەسنیشان وەردەوامی واران لە پارێزگایل باکوور کەن و وەفروارین لە بەرزاییەیل، و بەسرە و موسەنا بەش کەمیگ لەی وارانە ئەرا رووژ شەممە ئەرایان رەسێد، و پلەی گەرمی ئمڕوو و سوو لە پارێزگایل باشوور رەسێدە 27 پلەی سەدی.
وەگورەی نەخشەیل، کاریگەری بانین لەبان کەشوهەوای وڵاتەگە زاڵەو بوود، هیلێد واران لە باکوور بوارێد و لەو ناوچەیل ترەک پلەی گەرمی زیاتر داوەزێد، کە وارانەگە لە شارەیل هەولێر و سلێمانی و دهۆك وارێد، وەگەرد وەفروارین لە بەرزاییەیل، وەگەرد دەرفەت کەمیگ ئەرا واران لە موسڵ و کەرکوک.
مەزەنە کریەێد داوەزیانیگ زیاتر لە پلەی گەرمی ئەرا ئمڕوو چوارشەممە و سوو پەنجشەممە بوود، تا بڕەسێدە 27 پلەی سەدی لە باشوور، و 25 پلەی سەدی لە ناوچەیل ناوڕاس و لەو ناوچەیل کەمترە، کە بەرزترین پلەی گەرمی لە سلێمانی رەسێدە 17 پلەی سەدی، و لە رووژ جمعەی ئایندە پلەی گەرمی بەرزەو بوود.