شەفەق نیوز/ وەرخودان ئیسلامی لە عراق، ئمڕوو یەکشەممە، راگەیان کە وە فڕۆکەی بێفڕۆکەوان پەلامار ئامانجەیل ئیسرائیل گرنگ لە جۆلان و ئیلات جیوەجی کرد.
لە بەیاننامەیگ وت: جەنگاوەرەیلی پەلامار دوو ئامانج گرنگ لە جۆلان دان، و یەک ئامانج گرنگ لە ئەم رەشراش ئیلات وە فڕۆکەی بێفڕۆکەوان دان، ئەوەیش وە پشتگیریکردن خەلکمان لە فەلەستین و لوبنان، و وەڵامدان لەبان ئەو کوشتارەیلە وەلایەن قەوارەی داگیرکەر وەبان مەدەنییەیل لە ژن و مناڵ و پیرەیل.
بەیاننامەگە دووپات کرد کە ئۆپراسیۆنەیل وەبان شوینەیل دوژمنەیل وە شیوەی بەرزیگ وەردەوامە.
محمد شیاع سودانی سەرۆک وەزیرەیل فەرماندەی گشتی هیزە چەکدارەیل، لەی دویاییە دووپات کرد کە بڕیار جەنگ و ئاشتی دەوڵەت عراق وە دامودەزگایل دەستووریی بڕیاریان دەێد.
سودانی وتیش: هەرکە لەوە دەرچوود کەفێدە رویوەڕوی دەوڵەت کە پشت وە دەستوور و یاسا بەسێد لە جیوەجیکردن ئەرکەیلی، و دووپات کرد کە بەرژەوەنی عراق و عراقیەیل هابان گشت چشتیگ.