شەفەق نیوز/ وەڕێوەبەرایەتی دژە تاوانەیل بەغداد، ئمڕوو یەکشەممە، هویرداکاری تاوانیگ نادیار کوشتن پیایگ ئاشکراکرد کە تەرمەگەی لەناو ماڵیگ تەواونەکریاگ لە ناوچەی بەیاع باشوور بەغداد پیاکریاس.
وەپای بەیانننامەیگ وەڕێوەبەرایەتیەگە کە رەسیە ئاژانس شەفەق نیوز، رویداوەگە رووشن نییە و ناسنامەی قوربانیەگە نادیارە، کاغەز لێکۆڵینەوە ئەرا نویسینگەی دژە تاوانەیل بەیاع کلکریاس، دەسوەجی لەوەر گرنگی باوەتەگە تیمیگ کارکردن دروسکریا و ئەرا شوین رویداوەگە کلکریا لەدویای لێکۆڵینەوە و کووکردن زانیاری رەسینە توومەتبار و دەرچگە کوڕ قوربانیەگەس".
وەپای بەیاننامەگە، لە لێکۆڵینەوە وەرد بکوشەگە و رویوەروی کردنی وە بەڵگەیل دان وە راسی کوشتن باوگی دانایە، کە چوودەو ئەرا گیچەڵەیل خێزانی و وردەوردەیل ناوەینیان، دەسگیریاس وەبان ئەو چەکە تاوانەگە وەپی ئەنجام دریاس کە دەوانچەیگ لە جویر (کۆلمبی) عەیار(9ملم)، کاغەز لێکۆڵینەوە خریاسە نوای دادوەر لێکۆڵەر و بڕیار زیندانیکردنی وەپای مادەی 406 لەیاسای سزادان دەرچگە.