شەفەق نیوز/ سەرچەوەیگ لە پولیس عراقی، ئمڕوو یەکشەممە، خەوەردا کە وەردەوەردە و چەقووکیشان کەفتە ناوەین هاندەرەیل یانەی ریال مەدرید و بەرشەلۆنەی ئیسپانی لە بەغداد پایتەخت، کە بویە هوکار زەخمداری چەن کەسیگ.
سەرچەوەگە ئەرا ئاژانس شەفەق نیوز وت: مەسیگ وە چەقوو زەخمدار بوی لە مرافەیگ لە شار سەدر خوەرهەڵات بەغداد.
هەرلیوا، دوو کەسیش وە چەقوو زەخمدار بوین، لە ئەنجام وەردەوەردەیگ لە ناوچەی ئەمین خوەرهەڵات بەغداد، و کەسگیش لە حەی موعەلمین لە ناوچەی ئەمین خوەرهەڵات بەغداد وە چەقووکیشان زەخمدار بوی.
سەرچەوەگە دیاری کرد کە ئەو زەخمدارەیلە لەناو وەردەوەردە و چەقووکیشان لەبان بازی تووپان ریال مەدرید و بەرشەلۆنە زەخمدار بوین، کە دویەکە لە دێربی زەوی ریال مەدرید سەرکەفتن وەدەس هاورد.