شەفەق نیوز/ شارەزای کەشناسی عەلی جابر زیادی، ئمڕوو جمعە، هوشداری لە هەڵسیان لافاو کرد لەوەر وارانەیل، و داوای پەکخستن دەوام فەرمی ئەرا رووژ یەکشەممەی ئایندە کرد لە عراق.
زیادی لە قسەیلی ئەرا ئاژانس شەفەق نیوز وتیش: لە بەشیگ شوینەیل ناوڕاس و خوەرئاوای وڵات، و لە شارەیل فورات ناوڕاس واران زیای وارێد، و هاتێ وارانەگە بوسێدەو، و سوو شەممە گلەو بخوەێد.
وتیش: کاریگەری وارانەگە رووژ یەکشەممە زیایەو بوود، و هاتێ بەشەیل باکوور و ناوڕاس واران رفتیگ لەناویان بوارێک لە شارەیلیگ جیاجیا، وەتایبەت لە هەرێم کوردستان و موسڵ و دیالە و ئەنبار و ناوچەیلیگ ترەک.
زیادی هوشداری لە هەڵسیعه لافاوەیل دا کە ریوبان و شوینە نزمەیل بپووشێد، و داوای پەکخستن دەوام رووژ یەکشەممەی ئایندە کرد، و دیاری کرد کە وارانەگە تا شەوەکی دووشەممە نیەمینێد، و لە رووژ 7 تشرین دویەم وارانیگ لە شابویل باشوور وارێد.