شەفەق نیوز/ زانایەیل ئاسەواری مەوقەی کار هەڵکەنین لە قەڵای ئەبساروس رۆمانی لە جۆرجیا، پارچە تەڵای ناوازەیگ پەیا کردن کە ئەرا خودای (Jupiter Dolichenus) دانریاوێد.
ئی پەیاکردن نووڕینیگ قایمەو کەێد کە ئویشێد ئی خودای خوەرهەڵاتیە، کە پەیوەندی وە جوپیتەر ڕۆمانی دیرێد، سەربازەیل فرەیگ پەرەسینەی، کە لە سەدەی دویەم و سێیەم زاینی رەسیە لویتکەی، و وەزوی داوەزیا، و زانایەیل وە تەواوی نەفامستنە ئرا ئی خودا دەرچگە، ئەراوە ئی پارچەی تەڵا گرنگی ئەرا زانست دیرێد.
قەڵای ئەبساروس رۆمانی لە سەدەی یەکەم زایینی لە خوەرئاوای جۆرجیا نزیک سنوور تورکیا بینا کریا، و زانایەیل ئاسەواری لە کارەیل هوڵکەنین کە لە ساڵ 2014 دەسوەپی کرد، ئەنتیکەیل فرەیگ پەیا کردن.
وەلێ ئی جارە پارچە تەڵای تەنکیگ پەیا کردن، و نەخشەیلیگ وە زوان یۆنانی لەباخی کڕ کریاس، کە نشان دەێد خاوەن و دروسکەر پارچەگە خودای جوپیتەر دولیشینیۆس پەرەسینە، و ئی خودا پەیوەندی وە جوپیتەر داشتیە، کە لە ناوچەی سوریا دەرچگ، و لەناو سوپای رۆمانی باو بوی.
زانایەیل ئاسەواری ئومید دیرن پەرستگایگ تەواو ئەرا ئی خودا پەیا بکەن، وەتایبەت دویای پەیاکردن پارچە ئاسەواریەیل ترەک پەیوەندی وەپی دیرێد، پەیکەرەیلیگ برۆنزی وەشیوەی کەڵگا و داڵ.
سەرچەوە: mail.ru ماڵپەر RT