مۆتۆرۆلا مۆبایلە نووەگەی نمایش کەێد کە توانێد بچەمێدەو

شەفەق نیوز/ سەرچەوە تەکنیکیەیل ئاشکرا کردن کە مۆتۆرۆلا ئامادەکاری کەێد ئەرا وەبازاڕخستن چاپ نوو جیاواز لە مۆبایلە چەمیاگەیلی، لەژیر ناو Razr 50 White Lover Limited Edition. 

 مۆبایلە نووەگە وە دیزاینە قایم و سووکەگەی جیا کریەێدەو، رویە دەشتیەگەی چەرمگ مروارییە، رەهەندەیلی (171 x 73.99 x 7.25) ملم و کیشی 188 گرامە.

مۆبایلەگە وە پڕۆسێسەریگ پیشکەفتگ MediaTek Dimensity 7300X خریەێدە کار،  یەیش کارایییگ نایاب وەپی دەێد لە پرۆسێسینگکردن داتا و پەیوەندی ئینتەرنێت.

 شاشەی سەرەکی مۆبایلەگە جویر pOLED  نەرمە کە 6.9 ئینجە، ریژەی نووکردن مۆبایلەگە رەسێدە 165 هێرتز، و شاشەی دەیشت مۆبایلەگە لە جویر pOLED بوود، و قەوارەگەی 3.6 ئینجە، و فرێکوێنسییەگەی 144 هێرتز.

 کامێرایل مۆبایل Razr 50 خاوەن ڕێکخستن کامێرای دویای دوو عەدەسەس، وە روونی (50 + 13) مێگاپێکسڵ، وەرد تەکنەلۆژیای جێگیرکردن نووڕین، وەگەرد کامێرای وەردەم 13 مێگاپێکسڵ.

 مۆبایلەگە ەە ئەندرۆید 14 وە رویکارەیل Moto My UX کار کەێد، و دوو دەرچەی سیم و چیپ NFC و سکانەر پەنجەموور هاناوی، و پاترییگ 4200 میلی ئەمپێری وەگەردیە، کە پشتگیری لە چارجکردن زویوەزوی 30 واتی کەێد.

 وە کوڵی، Razr 50 White Lover Limited Edition زیایکردنیگ نوو جیاوازە ئەرا خیزان مۆبایلە چەمیاگەیل مۆتۆرۆلا، دیزاینیگ رەسەن وەگەرد کارایی هازدار تیکەڵا کەێد.

 سەرچەوە: mail.ru - ماڵپەڕ RT