شەفەق نیوز/ سەرچەوەیگ ناوخوەیی، ئمڕوو یەکشەممە، خەوەردا کە هاتێ تەکان ئاو لە گەڕەکەیل بەغدای پایتەخت بووڕیەێد، لەوەر دزەکردن لەکەی نەفت سیا لە چەم دیجلە لە شار تکریت وەرەو پایتەخت.
سەرچەوەگە ئەرا ئاژانس شەفەق نیوز وت: دەسەڵاتەیل کەفتنەسە فتراق ئەوە کە لەکە نەفتیەگە لە چەم دیجلەەو وەرەو بەغداد بچوود، و دووپات کرد کە ئی دزەکردنە چشتەیلیگ کیمیایی فرە رخدار هاناوی.
شەوەکی ئمڕوو، فەرمانگەی ئاو پارێزگای سەڵاحەدین دەرکەفتن گوڵەم روینین لە چەم دیجلە راگەیان کە رەسیە ناوچەیلیگ لە شار تکریت، کە ناچار بوی پڕۆژەیل ئاو لە قەزاگە بووسنێد، تا ئەوەنە وەزوی کاریگ ئەرا ئەو لەکە کریەێد.
یەیش وەگەرد شەپوول واران رفتیگ تیەێد کە چەن پارێزگایگ گرێدەو، لەناویان بەغدای پایتەخت، کە دویەکە پشوو فەرمی ئەرا ئمڕوو یەکشەممە راگەیان.