شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا کەسەیلیگ نەناسریای پاسەوان پێشانگایگ ماشین کوشن و ماشین گران بەهایگ دزن لە باکوور خوەرئاوای پارێزگاگە.
سەرچەوەگە وە ئاژانس شەفەق نیوز راگەیان، رویداوەگە دویەشەو رویدایە، تەرم پاسەوانەگە شەوەکی ئمڕوو پەیاکریاس وەرد دەسوەپیکردن کار لە پێشانگاگە، لە ناوچەی هاشمیات سەر وە ناحیەی هبهب، لە باکور خوەرئاوای بەعقوبە.
سەرچەوەگە ئاشکرایکرد، بڕیگ پویل دزیاگە کە لە نویسینگەگە بویە وەرد ئامێر کامیرەسل، یەیش زیاتر دۆسیەگە ئاڵۆزکردیە و نیشانەی ئەوەسانێ لە گوزەشتە پیلان ئەرا تاوانەگە دارێژیاس.
دیاریکرد، ماشین دزیاگە لەجویر "نوم رام" بویە و پاسەوانە کوشیاگەش لەداڵگبوی 1977بوی.