شەفەق نیوز/ لەناو جەهانیگ پڕ فشار و زوور، فرە کەس خوازن خەفتن خوەیان خاسەو بکەن، دکتۆر مایکڵ برۆس، پسپۆڕ خەفتن، ئافەرین لە میوەیگ کرد، کە دەرمانیگ سروشتیە ئەرا خەفتن، کە ئەوەیش مۆزە، و دیاری کرد کە دەسمیەتی دەێد وەزویتر بخەفی.
وە پیچەوانەی ئەو فامستن باوە کە مۆز شەوەکیان وزە دەێد، دکتۆر برۆس باس سوودەیل مۆز وەرجە خەفتن کردر کە وت: فرە کەس لەلیم پرسن لەبان ئەو خوەراکیلە کە ئەرا خەفتن خاسن، ئەراوە وەیجویرە تەمەی کەم.
وەگورەی سایت Surrey Live، دکتۆر مایکڵ باس ئەو میوەیل کرد جویر کیوی، کە ئاست سیرۆتونین لە مەغز خاسەو کەێد، و هۆرمۆن دەسمیەتی ئارامی دەێد، وتیش: مۆز وە مەگنیسیۆم دەوڵەمەنە، کە دەسمیەتی لە خەفتن خاسیگ دەێد.
وەگەرد مۆز، دکتۆر مایکڵ تەمەی ماس کرد، جویر خوەراک سووکیگ وەرجە خەفتن، و دیاری کرد کە فرە کەس زیان لە کەمی کالیسیۆم دیرن، کە ئەرا خەفتن گرنگە.
وتیش: ئەنەناس ریژەی خاسیگ لە ميلاتونين هاناوی، کە وەرپرسە لەبان خاسکردن خەفتن.