شەفەق نیوز/ سەرچەوەیگ لە پولیس کەرکوک، ئمڕوو جمعە، خەوەردا کە پولیس کابرایک دەسگیر کرد داڵگ خوەی زیندانی کردگە و وە زنجیر بەساسەیەو، و تا نۆ رووژ خواردن وەپی نەیاس.
سەرچەوەگە ئەرا ئاژانس شەفەق نیوز وت: پولیس ئاگاداری ئەرای رەسیە لەبان کابرایگ داڵگ خوەی وە زنجیر بەساسەو لەناو یەکیگ لە ژوورەیل ماڵەگە لە گەڕەک موسەڵلا ناوڕاس کەرکوک، و دیاری کرد کە لەشوین ئەو ئاگاداریە هیزیگ کەفتە جویلە و داڵگە کەیوانووەگە پەیا کرد ز تەندروسیی گەن بوی.
سەرچەوەگە وتیش: داڵگەگە ئەرا خەسەخانە بریا، و پولیس لێکۆڵینەوە ئەرا رەسین وە بندروس رویداوەگە واز کرد.