شەفەق نیوز/ شارەزای کەشناسی عەلی جابر زیادی، مەزەنە کرد وڵاتەگە لە سوو یەکشەممەو چوودەو ناو کەشوهەوای واران، کە ناوچەیل ناوڕاس و باکوور وەتایبەتی گرێدەو.
زیادی لە قسەیلی ئەرا ئاژانس شەفەق نیوز هوشداری کرد لە ئەگەر واران رفتیگ لە شارەیل ئەنبار و سەڵاحەدین و سلێمانی و بەشیگ ناوچەی ترەک.
زیادی دیاری کرد کە وارانەگە وەشیوەی فراوانیگ لەماوەی مانگەیل ئایندە فراوانەو بوود، و مەزەنەی واران لە دویاترین یەک لە سێ بەشەی ئی مانگ کرد، وەگەرد دووارەوبوین واران لە مانگ کانوون یەکەم ئایندە.
زیادی وتیش: تەکان ئەورەیل لە گشت ناوچەیل وڵاتەگە وەردەوام بوود، هەرلە ناوڕاس مانگ کانون دویەم ئایندە دەسوەپی کەێد، و مەزەنە کریەێد نیمەی دویەم لە وەرز زمسان (شوبات و ئادار) واران فرەیگ لەناوی بوود.
دەسەی کەشناسی عراق مەزەنەی کەشوهەوای ئارامیگ کرد کە لە سوو یەکشەممەو دەسوەپی کەێد و تا رووژ دووشەممە وەردەوامە، کاریگەری لەبان ناوچەیل ناوڕاس و خوەرئاوای عراق دیرێد.
لە راپۆرت رووژانەی وت: داوەزیان سووکیگ لە کەشوهەوا وەگەرد بەرەی وای سووکیگ لە قاتە بەرزەیل تیەێد.
وتیش: مەزەنە کریەێد واران سووکیگ لە شارەیل باشوور و ناوڕاس بوارێد، و لە شوینی ئەورەیل سووکیگ ئاسمان ناوچەیل ناوڕاس و باکوور عراق بگرێدەو، وتیش: پلەی گەرمی لە سوو یەکشەممە لە باشوور بەرزەو بوود، و لە چوارشەممە نزمەو بوود، و هوشداری لە لافاو نییە.