شەفەق نیوز/ سەرۆک ئەنجومەن ئیدارەی کۆمەڵەی سەرچەوەیل میوە و سەوزەیل نوو لەناوچەی دەریای ئیجە "خەێرەدین ئەوجاک" راگەیان، عراق وە دویەم گەپترین هاوردەکەر ئەرنار تورکیا دانرێد لەماوەی مانگ ینار تا ئۆکتۆبەر ئمساڵ.
ئۆجاک لە بەیانیگ کە ئاژانس شەفەق نیوز دیەسێ وت، "تورکیا لەناوەین پەنج لە گەپترین وڵاتەیل جەهان لە وەرهەمهاوردن ئەنار رەسیەس ئەرا 700 تەن ساڵانە، و هەمیش ها لەناوەین گەپترین 10 وڵات لە هەناردەکردن کە رەسێدە ناوەین 150 و 200 هەزار تەن ساڵانە".
وتیش "لەماوەی 10 مانگ ساڵ 2024 ئەرا 61 وڵات هەناردە کریاس" رووشنیکرد رووسیا پلەی یەکەمە لەناوەین ئەو وڵاتەیلە کە تورکیا ئەرای هەناردەکردیە وە بڕ21 ملیۆن دۆلار.
وتیش، " بڕ 20 ملیۆن دۆلار ئەرا عراق هەناردەکریاس وە پلەی دویەم تێد، ئەلمانیا وە بڕ 14.5 ملیۆن دۆلار داواکردیە، و بڕ 7.5 ملیۆن دۆلار ئەرا ئەمریکا کلکریاس و 5.5 ملیۆن دۆلار ئەرا ئۆکرانیا.