شەفەق نیوز/ لە زویەو وتنە گەزەر خوەراکیگ سەرەکیە ئەرا خاسکردن دیەی چەو، بەڵام زانایەیل زانکۆی تافتس لە ویلایەت ماساشوستس ئەریان دەرکەفت کە خواردن جویریگ لە کەرەزات رووژانە توەنێد بوودە کلیل مقیەتیکردن تەندروسی چەو.
زانایەیل ئاشکرا کردن کە خواردن 57 گرام فستق رووژانە تەندروسی چەو وەشیوەی گەورەیگ خاسەو کەێد، چوینکە ئاست لوتین بەرزەو کەێد.
فستق مادەیگ دژە ئۆکسان هاناوی کە وەپی ئویشن لوتین، کە توەنێد "خەسی فۆتۆپیگمەنت چەو" زیای بکەێد، کە دەسمیەتی فلتەرکردن رووشنایی دەێد لە شاشەیل و مقیەتیکردن تووڕ چەو لە زەرەدەیل پەیوەندیدار وە تەمەنەو، وەگورەی رووژنامەی "دەیلی ئێکسپرێس" بەریتانی.
تامی سکۆت، پسپۆڕ دەروینناسی دەمار کە سەرکردایەتی توێژینەوەگە کەێد، وت: توێژینەوەگەمان دەرخوێد کە فستق تەنیا خواردنیگ کەم و تامدار نییە بەڵکم ئەرا چەو فرە خاسە، کە بڕ کەمیگ لە هەر رووژیگ توەنێد دەسمیەتی بەێد لە مقیەتیکردن دیەی چەو، وەتایبەتی وەگەرد بەرزەوبوین تەمەن.”
لە ئەنجام توێژینەوەگە دەرکەفتیە ئەو کەسەیلە تا ماوەی 6 هەفتە فستق خواردنەر خەسی فۆتۆپیگمەنت ماکولار بەرزەوبوین گەورەیگ بەخۆوە بویە، یەیش مقیەتیکردن لە بیماریەیل چەو پەیا کەێد کە پەیوەندی وە تەمەنەو دیرن.