شەفەق نیوز/ سەرچەوەیگ ناوخوەیی لە میسان باشوور عراق، ئمڕوو پەنجشەممە، خەوەردا لە مردن دویەتیگ لە ئەجام تەقەلای خوەیکوشتن سەرنەکەفتی یەکیگ لە دویەتەیل ناو مەکتەوەیگ لەناوڕاس پارێزگاگە.
سەرچەوەگە وە ئاژانس شەفەق نیوز راگەیان "دویەتە خوەنەواریگ یەکیگ لە مەکتەوەیل ئامادەیی لەناوڕاس پارێزگای میسان ئمڕوو تەقەلای خوەیکوشتن دایە وە وەخوارخستن خوەی لەبان بینای مەکتەوەگە، باوجی تەقەلاگەی سەرکەفتی نەوی لەوەر وەخوارکەفتنی وەبان خوەنەوار ترەک کە ویەیە مدوو دەسوەجی گیان لەدەسدان ئەو خوەنەوارە کە وەبانی کەفتیە".
سەرچەوەگە وتیش، "دویەتەگە خوەی تویش زەخمداری سوکیگ و لە هووشچگن بویە لەوەر لەیەکوداینیوەرد هاوڕێیەگەی، تەرمەگە ئەرا پزیشک دادوەری کلکریا و خوەنەوارە زەخمدارەگەیش ئەرا خەسەخانە بریا".