شەفەق نیوز/ دەسەی ئامار تورکیا، ئمڕوو شەممە، راگەیان عراقیەیل ئەرا پلەی پەنجەم داوەزیانە لەناوەینئەو وڵاتەیلە زیاترین مولک لە تورکیا سەننە لەماوەی مانگ تەشرین یەکەم، لەدویای ئەوەگ پلەی سێیەم داشت لەماوەی مانگ گوزەشتە.
دەسەگە لە راپۆرتیگ کە ئاژانس شەفەق نیوز دیەسێ وت؛ فرۆشتن ماڵ لە تورکیا لەماوەی مانگ ئۆکتۆبەر وە رێژەی 76.1% بەرزەوبویە بەراورد وە هەمانگ مانگ لەمانگ وەرینو رەسیە 165 هەزار و138 ماڵ.
وتیش، ئەو پارێزگایەیلە بەرزترین فروش داشتنە بریتین لە ئیستەنبول 24 هەزار و812، ئەنقەرە وە 15 هەزار و257، ئزمیر وە 8 هەزار و658.
دەسەگە دیاریکرد "روسیەیل هانە لوتکەیل وڵاتەیل لە زیاترین سەنین موڵک لە تورکیا لەماوەی مانگ ئۆکتۆبەر وە 373 ماڵ و ئیرانیەیل وە پلەی دویەم تێن وە سەنین 172 ماڵ، و ئۆکرانیەیل وە سێیەم تێن وە سەنین 136 ماڵ، و لەدویایان ئەڵمانیا وە چوارەم تێد وە 127 ماڵ، عراقیەیل وە پلەی پەنجەم تێن وە 124 ماڵ، کازاخستان وە شەشەم تێد وە سەنین 99 ماڵ و ئازەربایجان وە هەفتەم تێد وە 76 ماڵ و چینوە هەشتەم تێد وە59 ماڵو سعودیە وە پلەی نۆیەم تێد وە 55 ماڵ.