شەفەق نیوز/ سەرچەوەیلیگ ئەمنی، ئمڕوو شەممە، خەوەردان لە توومارکردن دوو خوەیکوشتن، یەکیگیان دویەت مناڵیگ بوی ئاگر خوەی دا، و ئەفسەریگ لە سوپای عراق و کابرایگ مەدەنی لە ئەنجام وەردەوەردەیگ هووزانە زەخمدار بوین، لە ناوچەیلیگ جیاجیا لە پارێزگای بەغداد و دیالە.
سەرچەوەیل ئەرا ئاژانس شەفەق نیوز وتن: دویەتەگە لەداڵگبوی ساڵ 2012 وە نەفت خوەی سزانیە، ئەوەیش لەناو ماڵەگەی لە ناوچەی حسێنیەی باکوور بەغداد.
هەرلیوا، هوکارەیل خوەیکوشتنی نادیار بوی، و لێکۆڵینەوە لە رویداوەگە واز کریا چوینکە گومان لە رویداوەگە هەی.
وتیش: هیزیگ ئەمنی رەسیە شوین وەردەوەردەیگ هووزانە، تا ناوجی بکەێد، و کەسەیلیگ دەسگیر بکەێد کە دەگەی هووزانە جیوەجی کردنە لەبان ماڵیگ لە گەڕەک مورتەزا لە قەزای مەحمودیە باشوور بەغدای پایتەخت.
دیاری کرد کە رویداوەگە بویە هوکار زەخمداری ئەفسەریگ وە پلەی مولازم و کابرایگ ریوار، و تەقەکەرەیل واینە، و دەزگایل ئەمنی کەفتنەسە مینەیان.
لە دیالە، گەنجیگ لەداڵگبوی ساڵ 2004 وە لەچک سەر خوەی دادە سێدارە وەقەی پانکەی قەواسەگە لە ماڵیان لە ناوچەی دۆرە سەروە ناحیەی عەبارە باکوور خوەرهەڵات شار بەعقووبە، وەبی زانستن هووکارەگەی.