شەفەق نیوز/ سەرچەوەیگ پزیشکی، ئمڕوو سێشەممە، راگەیان گەنجیگ لە بەغدای پایتەخت خەیکوشتیە.
سەرچەوەگە وە ئاژانس شەفەق نیوز خەوەردا ؛ گەنجەگە لەداڵگبوی 2006ە لەری هەڵواسین خوەی وە پەردەی ناو سەنتەر کەناڵ چاکسازی کۆمەڵایەتی سەر وە وەزارەت تەندروسی خوەیکوشتیە.
دیاریکرد، گەنجەگە چارەسەر وەرگردیە لە ئالوودەبوین لەناو سەنتەر تایوەت وە چاکسازی ئالوودەبویەیل مادەی هووشبەر لە جادەی قەنات خوەرهەڵات بەغداد.
وتیش، تەرمەگە ئەرا پزیشک دادوەری کلکریاس تا رێکار پێویست بکرێد.