ئارامگردن نرخ دۆلار لە بەغدا و هەولێر لەدویای قەیەغەی هامشوو

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت   و  هەرێم کوردستان جیگیربوی.     

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 150450 دینار عراقی وەرانوەر 100 دۆلار ئەمریکی.  هەمان نرخ لە شەوەکی رووژ چوارشەممە توومارکریایە.

پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە، ک نرخ فرووشتن رەسیە 151500 دینار عراقی وەرانوەر 100 دۆلار ئەمریکی، و نرخ سەنینی رەسیە 149500 دینار.     

لەهەولێر پایتەخت  هەرێم کوردستانیش نرخ دۆلار جیگیرە، ک نرخ فروشتن رەسیە 150400 عراقی وەراوەر 100 دۆڵار ئەمریکی، و نرخ سەنینی 150200 عراقی وەرانوەر 100 دۆلار ئەمریکی.